Helsestasjon

Kontakt

Helsenorge.no
- Helsestasjonen brukar helsenorge.no til å kommunisere med brukarane. Dette er ein enkel og sikker måte å kommunisere på.
- Via helsenorge.no kan du be om timeavtalar, avbestille avtalar og sende meldingar på ein trygg og enkel måte. Her finn du også mykje nyttig informasjon om helse og innhaldet i tenestene.
- Du loggar deg på helsenorge.no ved bruk av elektronisk id som til dømes bank-id. Bruk av appen til helsenorge anbefalast.
- Dersom du ikkje ynskjer å benytte helsenorge.no, kan du ta kontakt med helsesjukepleiarane på e-post eller telefon
  måndag - fredag 08:00 - 15:30:

Tilsette	Telefon/mobil	e-post
Leiande helsesjukepleiar Hennie Lefdal	57 78 20 85/ 97 97 57 60	hennie.lefdal@gulen.kommune.no
Helsesjukepleiar Linda Hantveit	57 78 20 86/ 41 46 41 16	linda.hantveit@gulen.kommune.no
Helsesjukepleiar Elisabeth Rahner	57 78 20 88/ 48 49 79 57	elisabeth.rahner@gulen.kommune.no

Postadresse: Alle brev (post) til helsestasjonen og skulehelsetenesta sendast til: Gulen helsestasjon, Eivindvikvegen 1102, 5966 Eivindvik

Gulen helsestasjon - hovudkontor Eivindvik

Telefon: 57 78 20 85 / 57 78 20 86
Besøksadresse: Eivindvikvegen 1102, 5966 Eivindvik
Kontortid: måndag - fredag klokka 08:00 - 15:30

Gulen helsestasjon - avdeling Brekke

Telefon: Ta kontakt på mobil
Besøksadresse: Sognefjordvegen 432, 5961 Brekke
Kontortid: måndag klokka 08:00-15:30

Gulen helsestasjon - avdeling Byrknesøy

Telefon: Ta kontakt på mobil
Besøksadresse: Søre Garden 30, 5970 Byrknesøy
Kontortid: onsdag klokka 08:00 -15:30

Helsestasjon for born 0-5 år

Når du har født eller adoptert eit barn vil helsestasjonen ta kontakt med deg og avtale tid for heimebesøk. Nytilflytta familiar vert oppfordra til å ta kontakt med helsestasjonen.

Målet med helsestasjonsprogrammet

At foreldre opplever meistring i foreldrerollen
Å bidra til godt samspel mellom foreldre og barn
Å fremje fysisk, psykisk og sosial utvikling hos sped- og småbarn
Å førebyggje, avverge og avdekke vald, overgrep og omsorgssvikt
Å avdekke fysiske og psykiske utviklingsavvik tidleg
Å bidra til at barn får oppfølging og henvisast vidare dersom det er naudsynt

Helsestasjonsprogrammet

Faste helseundersøkingar
Alder	Type	Vaksine
Nyfødde	Heimebesøk
2-4 veker	Gruppe
6 veker	Helsesjukepleiar og lege	Vaksine
3 månadar	Helsesjukepleiar	Vaksine
4 månadar	Helsesjukepleiar og fysioterapeut i gruppe
5 månadar	Helsesjukepleiar	Vaksine
6 månadar	Helsesjukepleiar og lege
8 månadar	Helsesjukepleiar
10 månadar	Helsesjukepleiar
12 månadar	Helsesjukepleiar og lege	Vaksine
15 månadar	Helsesjukepleiar	Vaksine
18 månadar	Helsesjukepleiar
2 år	Helsesjukepleiar og lege
4 år	Helsesjukepleiar

Orientering om journalføring

Helsestasjonen pliktar å føre journal med helseopplysingar. Journalføringar vert gjort på bakgrunn av kva helsepersonell pliktar å skrive ned, og på bakgrunn av kva dei ut frå ei fagleg forsvarleg vurdering finn naudsynt og hensiktsmessig. Journalen skal i hovudsak bidra til kvalitet og kontinuitet i behandling, slik at barnet får best mogleg oppfølging på helsestasjonen. I sped- og småbarnsalderen, og så lenge det er naturleg, er det dei føresette som ivaretek rettar barnet har som brukar av helsestasjonen.

Innsynsrett, overføring av journal og nasjonalt vaksinasjonsregister

Innsynsrett

Føresette har som hovudregel rett til innsyn i samtlege opplysningar som omhandlar barnet. De har også rett til kopi av desse opplysningane. Ved utskrift/innsyn av journal får de tilbod om gjennomlesing saman med fagperson.

Overføring av journal

Hovudregelen er at journal skal overførast til ny helsestasjon ved flytting. Dette for å sikre ein fagleg forsvarleg oppfølging. Har de spørsmål i forbindelse med oversending av journal, kan de ta opp dette med helsestasjon før flytting.

Nasjonalt vaksinasjonsregister SYSVAK

Alle vaksinar som barnet får gjennom barnevaksinasjonsprogrammet, blir registrert i SYSVAK. Føremålet med SYSVAK er å halde oversikt over vaksinasjonsstatus hjå den enkelte, og å følgje med på vaksinasjonsdekninga på landsbasis. Det er ikkje mogleg å reservere seg mot registrering av vaksinasjon.