HeimNyheiterEigenberedskapsveka 2024

Eigenberedskapsveka 2024

Foto: Ivar Kvaal / DSB
Norske styresmakter tilrår at flest mogleg er førebudd på å klare seg sjølve i ei veke. Då bidreg du til at styresmaktene kan prioritere dei som treng mest hjelp. Kan du klare deg sjølv i ei veke?
Publisert: 29.10.2024
Sist endra: 29.10.2024

Eigenberedskapsveka 2024 starta måndag 28. oktober. I løpet av Eigenberedskapsveka vil alle landets husstandar få ei brosjyre i posten. Den inneheld viktig informasjon om kva du kan gjere for å førebu deg på kriser.

Norske myndigheiter tilrår at flest mogleg er førebudde på å klare seg sjølv i éi veke. I brosjyren får du konkrete råd om kva du kan gjere.

Vi oppfordrar alle til å lese brosjyren og styrke sin eigenberedskap!

Om eigenberedskapsråda

Eigenberedskapsråda som blir presentere i brosjyren, blei oppdaterte i 2024. Dei blei lansert på sikkerhverdag.no i mai.

Hensikta med råda er at ein skal vere i stand til å dekke dei mest grunnleggjande behova i ein krisesituasjon: varme, lys, drikke, mat, legemiddel, førstehjelp, hygiene og informasjon.

Bakgrunnen for oppdaterte råd er ei forverra tryggleikspolitisk situasjon i Europa. Andre viktige drivkrafter er klimaendringar som fører til meir ekstremvêr, og samfunnet si  avhengigheit av straum, vatn og mobilnett.